আগ দিয়া আহের, বাবু আগ। কইতে মোরে উবা করেদেই মাতিয়া চাঙ, বুলিয়া চেপাই মাতল উপেই দঙ্গই মাতল— বাবু, হুনিক, খানিক্ক উবা অইক। কিয়া থাং বুলিয়া বাবু উগই মাতল। – হাই এরে চেপা, নাদেহের এগই কথা আকচুটি মাতানি মনার। – কিহান মাত চেপা গিরক। - বাবুয়ে আমারে চাকরে থইক বুলিয়া মাতিয়ারতা। – তুমিতে কইগ? – হাই, এরে তিনগ - তোমার নাঙতে কিতা? - আমার নাঙ অইলতাই মি নাদেহেকুরা চেপা, তা লেঙ্গারা দঙ্গ বারো তেই মুর-লরি আকুপি। - উবাই! আতুর পেতুর লেঙ্গারা এতাই কাম করে পারতারাই থাং? ‘পারতাঙাই’ বুলিয়া চেপাই মাতল। 'চানা নাই' বুলিয়া বাবু উগই এতারেল ঘরে গেলগা। গিয়া তিনোগিরে কাম বাটন দিল। চেপার কামহান মানুগুরু আহিলে টটরানি। দঙ্গর কামহান বাজারহাট কিতা করানি বারো আকুপির কামহান ভাত রাধানি। এসাদে বছর আহান বাবু এগর ঘরে থানির পিছে তানু নিজর ঘরে যানারকা সালইলা। বাবু এগই তিনোগিরে রুপা আহৌ দিয়া বিদায় করল। রুপাহানি আগই গাঠি বাধিয়া হাবির লগে মাতেয়া সালইলা। গিয়াতে পথ হম্বুকে চেপাই মাতেরতা— মোরতা হারৌহানে নাকরল হে দঙ্গ, কই ধনহানি বাগন দেবেলেইক, মি খানি আতা আতা ঘরে যিংগা।