দেশ আহানাততে কানা আগ, লেঙ্গারা আগ বারো মুর-লরা জেলা আগ আছিলাতা। কানা উগর নাঙ চেপা, লেঙ্গারা উগর নাঙ দঙ্গ বারো মুর-লরা জেলা উগর নাঙ আকুপি। আকদিনতে তিনোগিয়ে টানা করিয়া বিদেশ বুলাত নিকুল্লাতা। গেলাগা, যিতেগা যিতেগা টেঙারা আগ লালয়া গেলাগা। উপেই চেপাই মাতেরতা — দঙ্গ, আহিলাং মাহিতে কাম আহান করিক। হুদালা আটিয়াতে লাভ নেই, না কিতা বুলুরিতা আকুপি? হাই, চুমইল। নাইলে ঘরে গিয়া কিহানতে মাত্তাঙাইগা। রুজিশৌ আহান করে পারলেতে খেয়া পিয়া ঘরেউ খানিমানি ধরিয়া নিলেগা ঘরর মানুরে হারৌ করে পারতাঙাইগা। কতিতে মানুর গজে বয়া খেইতাঙ, পারলেতে হবা অগেলগা নায়ে চেপা— বুলিয়া আকুপিয়ে মাতল। খানি গিয়া দঙ্গই মাতেরতা— হেই চেপা, মাতলে উহানতে কিহান অইল? বাসানে গিরক— বুলিয়া চেপাই উত্তরহান দিল। দিয়া মাতেরতা— মিতে আহিগি নাদেহুরিনাই হবা ফিজেতর গিরিগিথানি আগ আহিলে মোরে বাগেয়ো। হেরো উতাই ‘হাই” বুলিয়া বারো আটানি অকরলা। কতহান যিতেগা বাবু আগরে পেইলা— চশমা আহানে, ঘড়ি আহানে লাগেয়া গুঞ্জা না বরেয়া পে আহান ধরিয়া গারগদে খুত্তেই আকচিলা বেলেয়া উজানেদে চেয়া সালছে। আকুপিয়ে মাতিরি— চেপা,