জবর মনাবেল্লু হে। হাইদে বাগন দেবেলেইক, না কিতা আকুপি? বুলিয়া দঙ্গই মাতল। ‘হাই বহিক' বুলিয়া বাগন দেনাত বহিলা পথগর বারাহানাদে। বয়াতে মাটিহানাত পুলকরে পুলকরে তিন বাগন করলা মান্না করে। চেপা, তি আগে নেগা বুলিয়া দঙ্গই মাতল। - কুনতা মোরতা? - তোর মুঙহানার উতা। চেপাই লেয়ইতেগা আকুপির উতাত আতহান দিলগা। দঙ্গই মাতল— নাইলহে কানা এগরেল, হাবি তিলকরে বেল্ল। বারো বাগন দিক বুলিয়া মান্নাকো বারো বাগন দিল। দিয়া মাতেরতা— এই কানা, এখুরুমতে হবা নাইতই, তোরতা তি নিবেগাতা হে। চেপাই মাতল— আতহান সিদা করে দেই। হাই এতা তোরতা, এমাপাত ধরিছ। চেপা এগই হৃদির সন্দেহ এহানতে বেলা নুয়ারের, তানু দ্বিয়গিয়ে নিয়াম নিলাগা পাউরি বুলিয়া বারো বারাদে আতহান দিয়া ‘এতা” বুলিয়া আকুপির উতাত আতহান দিল। কান্থি এহানে আকুপিয়ে চেপার আহিগি লাক্করিয়া চটকো চাপড় আহান দিয়া মাতল— এরে এতা। চাপড়হান খানার লগে লগে কানা চেপা এবাকা দেহানি অকরল। নাদেহের মানু এগরে চাপাড়ল বুলিয়া দঙ্গই আকুপিরে দিল চাপড়হানাত আকুপির মুরগ লরানিহান আলইল। চেপাই বারো জেলাগ কিলেইল বুলিয়া দঙ্গরে দিল থঙ এহান দঙ্গর