কলালেইমাই বেয়করে উপেইত থদিয়া আহিলি। কলালেইমা গরকাম করিরি, ধান বানিরি, ভাত রাধিরি, পানি কাকরিরি। আনৌগ বাপকরে আত দ দিরি, মুর টিপাদিরি। বেলিটিকে হাবি ভাত খেয়া ঙাইতারা হের উহানাত তেইর ভাত উতা খুচেই আগত লুকেয়া থয়া কল দারেইল সটন দিয়া ভাত উগিল সরার পারে যেইরিগা। ভাত উগি পাতা আহানাত থদিয়া তেল্লাম হারপা বেলতাই বুলিয়া দাপদে আলইরি। বেয়ক আতজাঙ ধয়া ঙক্‌খি অয়া আহিংগা বুলতে চিলুনি আগ ফরদিয়া আহিয়া সপদিয়া ভাতর চিপা উগি নিয়া দেরগা। এসাদে চিলুনিগই নেরগা ফাত্তকে আকেইদিন পেইলে খার নাইলে ইমে চারা উবায়া থার। আকদিনতে বনকরে মাতল— ইচে তি দিউরি ভাত উগি চিলুনি আগই নেরগা। মোরে হিসগাসি আনেদিস, মি চিলুনি এগ ধরিমতা। বনকে হিসগাসি আনে দিল থাংতে ফঙহান হংকরিয়া পাতে দিল। চিলুনিগই সপদিং বুলতে গারগ আটকে পড়িলগা। শৌ উগই চিলুনিগ ধরিয়া মাতের গারগত্ত পেটগ পেয়া আকতুপ, ঠেং আকেইহানে আকতুপ এসাদে চারি টুমা করিয়া চিলুনিগ তোরে খেইতৌ। চিলুনি উগই মাতের— মোরে নাহেই। মি তোরে ফরি দুহান দেউরি। পানিহানাৎ এরা দিলে ফরি আহানে উজানে যিতইগা আরাক আহান ভাটিয়েদে যিতইগা। উজানেদে যিতইগা উহান