ধরিয়া থইছ। ঔ ফরি উহানরে যেতা মাততেই উতা দিতই। শৌ এগই উজানর ফরি উহানরে মাতের- চূড়া কাকরিয়া ভাত আকচালুক দে, কলা মদুর দে। থককো মুঙহানাত মাতল চাকচা এতা নিকুলিল। তা উপেইত চিলুনি উগরে এরাদিল। বনক আহিলি খুচেইগত ভাতর চিপা কতগল। দেহিয়া বেয়কে মাতের— ইচে পেট বুজে মিতে সেলকম, কলা, মদুরল ভাত খেইলু। কিসাদে বুলিয়া বনকে আংকরতে য়ারি এহান হুনুয়েইল। বনকে মাতিরি- যিকগা। এপেইত থাইলে ফরি এহান কারলেয়া নিতাইগা। সরার পারে পারে জঙ্গল ফেরিয়া দ্বিয় বেইবুনি যানা অকরলা। যিতেগা যিতেগা নিগুর টেঙারা আগত হমেইলা। ফরি উহানরে মাতলা - এপেইত ডাঙর দেশ আহান হংকরেদে। দেশহান হঙইল। দুরেই দেশর মানু আহিলা। আরাক দেশ আহানর রাজা আগ আয়া কলালেইমারে লুহোঙ করল। এতা নুঙেই অয়া থাইলা মাপা উহানাৎ দেশ এহানার নুঙেইপাতা এহান হুনিয়া মালকে বারো আনৌগ বাপকে আহিয়া ফৌয়ইলাগা। ককরক থুঙছি বুড়াবুড়ি এতা গেলাগা উপেইৎ চিনেকুরা নেই, কলালেইমাতে থককো চিনেবেল্ল। মালকরে নুঙেই করে থইল। আনৌগ বাপকরে মারলা। কলালেইমা দেশ উহানাত গিরি পালয়া থাইলি।