খমকরানি পাঙকরোগা ইমা বাবা কুম্পেই আছি মাততাঙাই’ বুল্লা। এসাদে যিতেগা যিতেগা বুড়ি আগরে পেইলাগা। বুড়ি এগই শৌ উগিরে আটকেয়া হিনুয়াদিয়া ভাতপানি খৌয়েয়া মালকর ঘরগ দেহাদিল। মালক ফুতি আহান বুনিরি, বাপক এগ মাংকলে হজক আককারি নারিকলর আরি আগল আছুলিয়া বহেছে। ইমা ইমা বুলিয়া মালকরাং চেপইতেগা মালকে মাতল— বাহেই তুমি কুংগি থাং মোর কাদাত না চেপয়ো। তেই ফুতিহানাত্ত উঠিয়া ডাঙর হিলর লুম্পাক আগ ঠেলেয়া উঠানহানাত নিকালা দিলগা। দিয়া মাতল — এ হিল এগ যেগই তুলে পারতাই উগ মোর পুতক জিলক। নাইলে মোর শৌ নাগই। কলালেইমা খানিককো হিল উগ তুলে পারল বারো মুনিশৌ উগই তুলানিতে বেলা নক আহান সেচানিয়ৌ নুয়ারল। মালকে কলালেইমারে মাতিরি— মুনিশৌ এগরে বনে বেলাদেগা, এগ মি গছানি নুয়ারতৌ। বারো তি হিলগ লড়া পারলে থাংতে গরকাম কিতা করিয়া মোরাং থা পারতেই। লালাঙ হেয়করে হারৌ করানিরকা এহান করিরিতা। বনকে দুরেইত সরার পারে জঙ্গল আহানার কাদাত সাংকুরেইর ডেঙ ডুং য়মকরিয়া পাহিয়ার জমহানর ডেকি ঘরশৌ আগ হংকরে দিল। ‘তি বাবাশৌগ এপেইত থাক। নিক্কা বাত আনে দিতৌ। ডর নাপেইস। মি হামেসা রাহে রাহে থাইতৌ' বুলিয়া