আনেছিল যতর, লালটুম, ঝাকা, উটং হাব্বি মাংকলে জিলকরকা থদিয়া গেলগা। এখুরুম মইলকে মুনি উগই শৌ এতা ঘুমে থাইতে ঘরর হবা জিনিস উতা মচা বাদিয়া, হস উতা য়মকরিয়া বেলেয়া গেলাগা। দুয়ারহান দুয়াদেত্ত আটেয়া বাধদিলা। বিয়ানহান ফুয়েইল, শৌ এতারে ডাহেকুরা নেই উঠাকুরা নেই। বেলিগ সারনি অকরল। কাদার ঘরর মানু এতাই মাত্তারা ঘর এগর মানু এতাতে এবাকাউ না উঠতারা। কিহান অছেতা বুলিয়া জেলা আগই গিয়া চেইরিথাং দুয়ারহান দুয়াদে আটেয়া বাধেছি। কলালেইমা বুলিয়া ডাহিরি। গাঙরতাই দুয়ারর পেটপেটি বাদেছি বেত উতা কাপে কাপে দুয়ারহান মুকেইলা। শৌ দ্বিয়গিয়ে উঠানিয়ে মালক বাপক বিসারেয়া কাদানি অকরলা। মুনিশৌ উগই বকপাউরি বুলিয়া কাদের। বনকে চউল চেইতে চেম্ফুগত কতগ পেইল। উতা বাগা কেপি আগত চউলি মেকা করিয়া ফুৎকরল। উতা খৌয়েইল বেয়করে। বাপক মালক বিসারেয়া দ্বিয় বেইবুনি নিকুল্লা। মানুরে আংকরতারা, ‘আমার ইমারে দেখলাইতা?' ‘দেহেছি বাগাদিতাঙাই। গুরুকলগর গবরহানি নিকাবেলেই’– হদেইলে আককামড় হুদ্দা রুহা খৌয়েয়া ‘উ - না উগদে' বুলিয়া পথ আগ মানুয়ে দেহাদিতারা বারো আকপেইত গেলেগা ‘ধান কুলি আহান বানো নাইলে ধান