দেহিয়া হাবিহানে ডরহানে পলা পড়লাগা। মুরগ চিক্করিয়া হাবিরে ডাহিয়া না লাগিয়ো বুলিয়া থয়া বারো তার ফামে জেঠাবেয়ক উগ গেলগা। বৌয়েই এগি খালকরলা হাবিগি আহিলেতে আমারে মারেহে বেলতাই বুলিয়া গাত আগ খুলিয়া। দশোমতিরে গাতগত বেলেয়া গাতেয়া মারলা। গাত উগত খনতুম আকজার উঠিল। এগদে জেঠা বেয়ক এগ শান্তিহান নাপার বাণিজ্যর ফামে গিয়া। বারো ঘরে আলয়া আহিল। আয়া বিসারারগা- 'শৌগতে কই?" বৌজক-লকেয়ে মাত্তারা- 'তি যানার লগে লগে কুরাং গিয়া মাঙইলিগা, আজি পেয়া নাহিরি।' কথা এহান হুনিয়া জেঠা বেয়ক এগ মনহান জবর হিনপেইল। হিপেয়া ঘরর বারাহানাদে বহিতেগা খনতুম উজার দেহেবেল্ল। খনতুমজারে ফুল আগ দেহিয়া কাদে কাদে চেপো যারগা উপেই খনতুম উজারে দেরতা- "না সকই, না সকই দশোমতি মরলি না সকই।" জেঠা বেয়ক এগ কান্থিহানে খনতুম উশপাত ধরিয়া দিল আছুল এহান গুরিগত কলয়া বারো দশোমতি আহিলি। আচানকহানে! 'কিয়া মা এপেইততে?' জেঠা বেয়ক খাঙ লাগিয়া আংকরের। বনকে মাতিরি— 'বৌজিগাসিয়ে গাতগ খুলিয়া গাতেইলাগাতা।' জেঠা বেয়ক এগই বারো দশোমতিরে ঘরে থদিয়া না লাগানির কথা মাতিয়া তার ফামে গেলগা। বৌয়েই