করে লপুকে এরাদিয়া!' ইপুয়ে ছাগিশৌগরে ডাহানি অকরল— আই আই, রাতি নঙেই অন্থকপাহানকো! হিয়ালেহে আজি লমকরতাই সাত। ছাগিশৌ এগর দুঃখহানে ইপুর বুকগ থুক থুক করানি অকরল। এবাকাতে ছাগিশৌ এগ আরাকৌ দুরেইত গেলগা। কতহান পিসেদে ছাগিশৌ এগ বারো ইপুর কাদাত আহিল। ক্ষেমসিং ইপুয়ে ছাগিশৌ এগরে দেহিয়া চিনে বেল্ল ‘হোবায়, এগতে দুলালগাসির ছাগিশৌগ-না! দুলাল এগরতাতে দয়া-মায়া বুলিল বার এহান সুপৌ নেয়সেকো! ‘আই আই' বুলিয়া ইপুয়ে ধরিং বুলতেই ছাগিশৌগ দাবদিয়া গেলগা। ‘আচ্ছা! ছাগিশৌ এগতে!' কতসময় ইপুয়ে ছাগিশৌ এগরে ধরানিরকা বুলিয়া হন্না করতে করতে পেইরাক্ক ধরেবেল্ল। ‘কিমে আরাকৌ ধাবদিতেইতা?' বুলিয়া ইপুয়ে ছাগিশৌগরে চেৎকরে তার ডাঙর পেট ঔগত আতহানিল জাতেয়া থইল। হই হই করে ক্ষেম ইপুয়ে দুলালর ঘরগ ফৌয়ইল। 'অ দুলাল, দুলাল!' চিকারি দিয়া তা দুলালরে ডাহানি অকরল। ভাতর ঘুমে কতিতে ঘোরগ অসি বুল্লেতে উপায় নেই। দারিগত বহিল ইপু। তার লৌদানিয়ে আকয়া দুলাল খুড়া বারো মইলক ইন্দল ঔগর ঘুম বাগিল। দুয়ারহান আংকরানি ফানেই ক্ষেম ইপুয়ে শৌয়নাই জিগ অয়া মাতল— তোরতাতে দয়া মায়া সুপ নেই সাত? এতাপারা রাতি নঙেই