চেংকুড়ি সড়কগর যেপেই এবাকা রুকর থঙহান আসে ঔপেই আগে লামচিকর জবর উপদ্রব আসিল। লামচিক এতাই তানুর পথ আগদে আটলা— ঔ পথে কিতাপারা মানু পড়লে তানুরে ঔতাই জবর লাংলা দিলা। যেবাকার য়ারিহান দেউরি, উবাকা লপুকগ লোকতাকগর সাদে বহলা অসিল। এমুরেত্ত হৌমুর চেইলে গাঙ-দেশ-ঘর এতা দুরেয়ে আকয়া পিত্তাং-পিত্তাং দেহেসিলা। খঙহানর কাদাত এবাকা ভকতপুরর জাঙ্গালগর সাদে পথ আগ ইজ্জু সালয়া খাটলর সড়কগ য়ৌয়সেতাহে। পথগর পিঠিত দুলালগাসির গাঙহান, মুঙে ওসমান আলির গাঙহান। থঙহানর তলে লামচিকর আড্ডাগ অসিল- রাতি নঙেইত খঙহানর পটগ পানাই গারিগ জিরিং জিরিং করেসিল। আকদিনতে ভকতপুরর ক্ষেমসিং ইপু এগ চেংকুড়ি সড়কগল আহেরতা, বিদেশেত্ত। জারর রাতিহান- লপুকর ধান হাবি বারনে হমেইল। ক্ষেমসিং ইপু থঙহানর গজে কাইল। থঙহান লালয়া সড়কগর তলে ধলগারা পথগত জাঙহান বেল্ল। লপুকগর গজে ধলা ধলা খুয়া বাহেসে, রাতিহানৌ ডিলইল। জোনাকহান ডক ডক করের— ইপুয়ে নারগ সেংকরিয়া এলা আহান অকরল। পেইরাক্ক ছাগিশৌ আগই রহানি অকরল। ক্ষেমসিং ইপুয়ে দেহের দুরেইত ধলা ছাগিশৌ আগ জারহানে নিক্করের। ‘হোবায়। কার ছাগিশৌগ? হিঃ ছাগিশৌ এগরে কামহান