ফাপগ তাপ্প তাপ্প নুকুলে তাহের। বুড়ি অগ বপকরে খাসে থাংতে নারগ খাজুয়িতে খাজুয়িতে মরে যিরিগা। বুড়াতে খানিপ্পারা খাসে থাংতে চাং অহান না খাজুয়ার। পিছে খাজুয়ানির চুটে বুড়িয়ে হাব্বি স্বীকার করল। বুড়াই খালকরল, যেহান ইলতা ইলনাই, বুড়ির লগে লাগিয়া কানা নেই। বুড়া-বুড়িয়ে হবা করে হারপিলা লামুই দাপার কারসাজি অহান। বুড়াই মাতের— লামুই এতারে শিক্ষা আহান নাদলেতে নার ৷ অগদে লামুই দাপা অহানে আহে আহে মাততারা- বুড়া-বুড়ি! কচুচারাহান খেইলাইতা হবা করে! লামুইর সর্দার অগই মাতের— বনকচুর চারাহান খেয়া বুড়া- বুড়িয়ে উঠানহাত গড়াগড়ি দিতারা দৃশ্য অহান চেইকগা হাতো। হেরো লামুই অতাই ‘হাই’ যিকগা' বুলিয়া চানাত সালুইলা । লামুই এতা পালহান ইয়া আহিতারা অহান দেহিয়া বুড়ার মুরগত বুদ্ধি আহান হমিল। বুড়িরে ডাহিয়া মাতের— বুড়ি, মি তুলসীপুঙগর কাদাহাত দলা ফুতি আহান উরিয়া মরাগ মালয়া ঘুমজিয়া থাইতৌ। কাদাহাত মোর গলার লাঠি অগ খানি লুকিয়া থুয়াদিস। তি বিলাপ করে করে কাদিস। লামুইর পালহান ঘরগ পানা বিত্তা ইলাগা অহাত বুড়ি অগই টেংঠা জুরিয়া কাদানি অকরল- নাঙথারেই শপা শাতুইসে, পিদে দিনগৌ নেই কলা-লৌ আহান