মজিসে, খা’দিনগৌ নেই তোমার বপা মরিসে, কাদে দিনগৌ নেই। লামুই দাপা অহানে আহিয়া বুড়িরে আংকরতারাগা— অ দাঙ্গ, বপা কিতা ইসে থাং? বুড়িয়ে মাতিরি- অ মোর বাবাগাসিরাই, তোমার বপাতে মোরে বেলিয়া গেলগা নাই! তোমারে কতি বানা পেইলতা বুড়া অগই। কাদাহাত আহিয়া তার মেইথংহান আকমাউ চেয়োগা। বুড়িয়ে বারো চিকারি দিয়া কাদানি অকরল- অ বুড়া, তোর নাতি-নাতলে তোরে চানাত আহিসি এরে। লামুই দাপা অহানে বুড়ার সাকতাহান চানার কাজে বুড়ার কাদাহাত চেপুইলা অহাত বুড়া খাংদা উঠিয়া কাদাহাত আসিল গল্লার লাঠি অগল লামুই অতারে বারানি অকরল। লামুই এতাই বাকুরি খেয়া কতগ কাকালি কিতা বাগিয়া কুনোমতে পলিয়া জিংতা ইলা ৷