ইয়া হৌ হিজাত লাগলি। বুড়াই মাতের- বুড়ি, চালক করে হিজিয়া লমকর। পানি হিচতে হিচতে চকথা ইসুগ। ভাতর বকহানৌ হবা ইয়া লাগিসে । মি থককো হিনিয়া আহংগা। এগদে বুড়িয়ে হৌ কিতা হিজিয়া লমকরিয়া চেইরি থাং বুড়া নাহিসে। মাগুরার চিলা অহানি দেখিয়া বুড়িরতা জুহাত জল আহানি অকরল। চিলা আহান খানাই তেই ভাতর বকহান আরতা খাংকরে নুয়ারল। হুয়াতহানে কত্তহান মাছর চিলা খাবেলিয়া ফামহাত ঘুমজিয়া থাইলিগা। বুড়া অগ আহিয়া খানাত বহিয়া চারগা থাংতে মাছ চিলা হুদ্দা আকহান থুয়াদিয়াসে। বুড়াই তিক সৌয়িয়া বুড়িরে আংকরের— এ বুড়ি! মাছতে হুদ্দা আকচিলাতে কিদিয়া? আরতা কই? বুড়িয়ে মাতিরি— কত্ত চিলা থুয়াদিয়াসুগহে। মেকুরিগই খাদিয়াসে সাত। বুড়াই কান্থিহানে মেকুরিগরে লাঠিগল হুইয়া আকবারি দিল। মেকুরিগই দুহানিহানে কাদে কাদে মাতিরি— বুড়িয়ে খেয়া মোরে মারিয়া... - এ বুড়ি, মেকুরিগইতে মাতিরি তি খাসত বুলিয়া । - মি তোরে নাদিয়া খানা পারুরিতা? অতাইলেতে কুকুরগই খাসে সাত ৷ বুড়া অগই তিহানে কুকুরগর য়াঙগত জুতকরে বারি আহান লাক্করল। কুকুরগই দুহানিহানে কাদে কাদে মাতের- বুড়িয়ে খেয়া মোরে মারিয়া... এগদে বারো বনকচুর হৌচারা খানার