নাই । বুড়া অগ ঘরে আহিয়া সত আহানল নুকুলিল খাঞ্জাগ হিচানির কাজে। খাঞ্জাগর পানি হিচতে হিচতে লমানি বিত্তা ইল কিন্তু মাছতে আকগৌ নাদেখের। হুদ্দা করবেঙ আগ দেখল। অগই নারগ ফুলিয়া গঁ-গাঁ করিয়া রহাত লাগিসে যেমন বুড়া অগরে উপহাস করেরহান পারা। বুড়া অগই কিহানতে করত! মনে মনে মাতের- আকমাউ নুয়ারলু, আরাক আকমাউ চাং কিতাই ৷ আরাক খাঞ্জা আগ বিসারিয়া তেন্নাম হিচানি অকরল বুড়া অগই। পানি হিচিয়া লমিতেগা পারতা হুদ্দা ইচা মাছ আগ। বুড়া অগ পানি হিচতে হিচতে চকথা ইয়াপড়িলগা। মাছতে নাউ পেইল। খালকরের- অগদে বারো বুড়িয়ে বাসিয়া থা থাইব হৌ না হিজিয়া। বুড়া অগই তেন্নাম বিসারতে বিসারতে আরাক ডাঙর খাঞ্জা আগ পেইল। প্রফু এমতাগা খানি দয়া আহান করেদে। নাইলে বুড়িরাং মি সাকতাহান দেখাদে নুয়ারতৌ। দৌ নিংকরিয়া বুড়া অগই মেইসা দিয়া পানি হিচানি অকরল ‘গৌর খিচতাং মাগুরা খিচতাং' বুলে বুলে। পানি হুকানি বিত্তা ইলগা অহাত ডাঙর মাগুরা আগই চংদা আহান দিল। বুড়া অগই মাগুরা অগ ধরিয়া হারৌ ইয়া ঘরেদে আলইল। বুড়িয়ৌ ভাতগি হিজিয়া বাসিয়া আসে বুড়াই মাছ আনলেতে হৌ হিজিতই বুলিয়া। ডাঙর মাগুরা অগ দেখিয়া বুড়িয়ৌ হারৌ হারৌ