বেলাদিয়া জঙ্গলগত্ত ডিগল ডিগল বনকচুর শপা আনিয়া লাগাদিয়া গেলাগা । পিছর দিন অহান বাসা কাসা নুয়ারিয়া বিয়ান্ত বুড়া অগ কচুর খেতিহান চানাত গেলগা। গিয়া চারগা থাংতে গেলগা কালি লাগাসিলা কচু শপা অতা তার লেবগর লগে মান্না ইসে। তা ঙাকয়া খানি সময় জিংদরে চেয়া থাইল। বিশ্বাস করে নুয়ারের, রাতি আহানর ভিতরে চাং অহান ডিগল ইতই অহান! বুড়াই হারৌহানে দাপদে দাপদে গেলগা বুড়িরে বাগাদেনাত। বুড়িয়ৌ চানাত আহিলি। চেয়াতে তেয়ৌ ঙাকুইলি। বুড়া-বুড়ি দ্বিয়গিয়ে লামুই দাপা অহানরে থাকা মাহি দিতারা । বুড়াই কচু শপা অতাত্ত বাগুয়া কতহান কাচিহানল কাপিয়া আনিয়া বুড়িরে দাদিয়া মাতের— বুড়ি, হুয়াত করে কচু চারা আহান হিজাগা। মি খাঞ্জাগ হিচিয়া মাছ গুলি ধরিয়া আনংগা বারো লামুই অতারেউ বার্তন করিয়া আহংগা, আজি আমার লগে বেলিটিকর ভাত খানার কাজে। বুড়াই লামুই অতারে বার্তন করাত সালুইল। জঙ্গলগত গিয়া লামুই অতারে ডাহিয়া থাকাৎ জানুয়িয়া মাতের- বাবাগাসিরাই, তোমার সালেদে রাতি আহানর মাঝেই কচুর শপা অতা ডাঙর ইলতা। আজি বেলিটিকর ভাতচারা আকসাটে আমারাং খেইক। লামুইর সর্দার অগই মাতের— বপা, আজি থাক আরাক আকদিন খেইতাঙাই