নাই । বুড়া-বুড়িয়ে অহান হুনিয়া হারৌ ইবা কচুর শপা চালাক করে ডাঙর অনার উপায়হান হারপানি মনেইলা। অহাত লামুইর সর্দার অগই মাতেরতা— কচুর শপাহান লেহে শপার গুড়িগত চেঙর মুর আগ, হিদল মাছ আগ বারো ভাতর চিপা আগ থুয়াদিলে কচু শপা অতা রাতি আহানর ভিতরেই কতিহান ডাঙর ইতই বুলে তুমি কল্পনাউ করে নুয়ারবাই। বুড়া-বুড়ি দ্বিয়গিয়ৌ সরল সিদা মানু। লামুইর সর্দার অগর কথা অতা হাইতা বুলিয়া বিশ্বাস করলা। লামুইর সর্দারগই যেসারে মাতল অসারে করিয়া চেঙর মুর আগই, হিদল মাছ আগই বারো ভাতর চিপা আগই কচু শপা অতার গুড়িগত থুয়াদিয়া সেন্দাহান অনার আগ অহাত ঘরে আহিলা। লামুই দাপা অহানে খানি দুরিহাত থায়া চেইলা। রাতি আহানর ভিতরেই কচুর শপা ডিগল ডাঙর ইতই এহান খালকরিয়া বুড়া-বুড়িয়ে হারৌহানে থাইবা পথ নাপেইতারা। এগদে রাতিহান খানি ডিলুইল অহাত লামুই দাপা অহান জঙ্গলগত্ত নুকুলিয়া আহিয়া কচুর চারা অতা হাবি ফক্করে দিয়া চেঙর মুর, হিদল মাছ বারো ভাতর চিপা হাবিতা পেট বুজে খেয়া হারৌহানে তাঙর সর্দার অগরে পারিল মাহি থাকাৎ জানুয়িতারা। খেয়া লমিয়া লামুই দাপা অহানে বুড়া-বুড়িয়ে লাগাসিলা কচুর চারা অতা ফক্করিয়া