নংসাংদিন আগে কিতাপারা গাঙ আহাত বুড়া-বুড়ি হেইমাক আহান আসিলাতা। তাঙরতা শৌ কিতা নেইসিলা। বুড়া অনাইতে কাম কিতাউ পাং করে নুয়ারতারা। কুনোমতে ধানগুলি খেতি করিয়া অতা খেয়া জিংতা ইয়া আসি । এগদে মুড়াকচু লাগানির সময় আহানৌ দিয়া আহের। বুড়াই মাতের- অ বুড়ি, মুড়াকচু খানি লাগাবেলিকগা। বুড়াই বুড়িয়ে ঘরর পিছবারাদে বিসারা টুমা আহান আসে অহাত কচু লাগানির কাজে গেলাগা। বুড়াই কদালহানল মাটি খুলিয়া মান্না করিয়া কচু লাগানির জুগত করল। কচু পারেং আহান লাগিয়া লমিতে না লমিতে কাদাহার জঙ্গল অগত্ত লামুই দাপা আহান আহিয়া বুড়া-বুড়িয়ে কচু লাগিতারা অহান চেইতারাগা। লামুই অতাই বুড়া-বুড়িরে কুইকরিয়া বহিসি । লামুই দাপা অহানর সর্দার অগই আংকরেরতা- অ বপা, তুমি কিতা কররাইতা? বুড়াই মাতের— বাবাগাসিরাই, আমিতে কচুর চারা লাগারাংতাহে। লামুইর সর্দার অগ খানি বুদ্ধিসাক্তিগ। তার মুরগত খাংদা দুষ্ট বুদ্ধি আহান উদয় ইল। তা মাতের— অঃ হবা ইসে। কিন্তু তুমি যেসারে কচুর চারা লাগারাই অতা ডাঙর ইতে ইতেতে কত্ত মাহা লাগো পড়তইগা। কচুর শপা অতা চালাককরে ডাঙর অনার উপায় আহান মি হারপাসু। বপাই হারপানি মনেইলে মি মাততৌ