মাতল । মাতানি ফাত নাইসে বুরুককো বারনগত্ত দড়িগাসে লাঠিগই ফালদিয়া নিকুলিয়া হেইমাক এহানরে দড়িগাসে পেচিয়া বাধে বেল। অহাত্ততে লাঠি এগই এমন বারানি আহান অকরল কিতা মাতবে! আপাঙেউ খাঙু ইয়া চারগ। হেইমাক এহান অবত অবত ইলা। চামহান ফাটিয়া রকত কাপকরানি অকরল। খাংদা দিশা মাঙয়া চার আপাঙর জাঙে পড়লাগা হেইমাক এহান। কাদে কাদে চিকারি দিয়া মাতানি অকরলা — ইতাউ-এ! আমারে ঙাক্করেদে। আমি জবর লালুইলাং তোরাং। আর নাকরবাং এসাদে কাম। এরাদে হে ইতাউ । তোর হাতামগৌ তোরে দেরাঙে । কথা এহান মাতে মাতে গড়াগড়ি দিয়া ফালদিতারাগ। লাঠি এগ সুপ না জিরার । নায়া মুনি অগই মাতের— ইতাউ। অরে মুঙর কোঠা অগত তোর হাতামগ আসেতাহে নেগা তি। আমারে জানে না মারি এ! আপাঙে তার হাতামগ আনিয়া মনে মনে ‘সুট সুট সুট’ তিনমাউ মাতানিয়ে দড়িগাসে লাঠি অগই ইঙগ ইলা। দড়ি অগাস আপ্পানে ফুকিল বারো শুনহানদে ফরদিয়া আপাঙর আতহাত আহিল। আপাঙ তার হাতাম অগই, দড়ি বারো লাঠি এতা হাবিল ঘরেদে সালুইল। আরাংগ পেইতেই আপাঙে চিকারি দিয়া ডাহানি অকরল দাঙ্গনকরে। হারদিনকারগ বুলিয়া বুড়ি অগই থৌ না সাকরিয়া তাপকো নিকুলিয়া আহিলি ঘরেত্ত। তেই