হাতামগৌ আপ্পানে হুনা রুপা দেনা অকরতই চেইস। বারো তোর আশাহান পূরণ ইলে ‘সুট সুট সুট' বুলিস। পিসে তি তোর ঘরে যিসগা। তোর ইতাউরে মাতিস, আগর দিনে যে হাতামগ পেইলু অগর কাজে দড়িগাস বারো লাঠি এগ আনিয়া আহুরিগ বুলিয়া মাতিস । আপাঙে হাই বুলিয়া একরিয়া বারো সালুইল ঘরর পথেদে। পরি এগিয়ৌ হারৌ মনে ফরদিয়া গেলাগা ইন্দ্র সরারেলর দেশে। এগদে আপাঙরে দেখিয়া পথহাত্ত ইসুলিয়া ঘরে বরিল তার নুয়া ইতাউ অগই। হবা হবাতা হিজিয়া রাতি খাওয়িলা, ঘুমানির ফাম দিলা। অহার আগেই আপাঙরে আংকরিয়া হারপিলা দড়িগাস বারো লাঠিগর য়ারি। তাঙি খালকরলা এগর হাতাম এগ হুনা রুপা এগ হাবি দিরি থাংতে দড়িগাস বারো লাঠি এগল আরতাউ কততা পেইতাঙাইতা । অহানে আগর দিনর অসাদেই আপাঙ ঘুমিয়া যেই গগারানি অকরল তাঙিয়ৌ কামে লাগলা। আপাঙর দড়িগাসর অসাদে ডিগল দড়িতুপ আহান বিসারিয়া ঠিক অসাদে লাঠি আগ রাতি রাতি জোগাড় করলা। আপাঙর হিয়রগত্ত তাপকো তার দড়িগাসে লাঠিগই নিয়া বারনগর ভিতরে বেলাদিয়া নকল দড়ি আগাসে লাঠি আগই হিয়রগত থুয়াদিলা। বিয়ানে উঠিয়া আপাঙে তার ইতাউর ঘরেত্ত যানার সময় বিদায় নেনার আগে পরিশৌ অগর কথামতো ‘লাগ লাগ লাগ' তিনমাউ