নিকাল্ল। মাতের— এগ খেইতু না অগ খেইতু! না না হাব্বিগি আকসাটে খাবেলাং। কথা অহান হুনানিয়ে হুরকা পরিশৌ এগই মাতিরি— হে টেইপাঙর জীবগ। মি তোরে আজিয়ৌ চমৎকার জিনিস আহান তোরে দিতৌ । তি আমারে নাখেই । আপাঙে মাতের — কালি যেগ দিলাই অগর কাজে বুড়ি ইমাই মোরে খাগারাহানল বারিল। না লাগের মোরতা বুল্‌ল। পরি জেলাশৌ এগি ডরহানে নিকদানি অকরলা। খুলি অগই সাহস করিয়া মাতল— হাঃ এহানতে কিহান? এতাপারা আচানক হবা হাতামশৌ অগ পেয়াউ হারৌ নাইলি তোর বুড়ি ইমা? না। ঘরে যানাই তোমার হাতাম অগ গবর আগানি অকরল। মুতিরিতাউ পরল্লেই! মোর নুয়া ইতাউর ঘরেতে হুনা রুপা আগলগ। মোর ঘরে যানাই হাব্বি গবর! চালাক চতুর পরিশৌ এগরতা সন্দেহ আহান লাগিল । তেই আংকরিয়া আগর দিনে ঘরে আলুইতে রাতিহান ইয়া ইতাউ অগর ঘরে কিতা কিতা ইল হাবি য়ারিহান হুনল। হুনানিয়ে হারপিল কিহান ইসেহান। তেই মাতল— তি আজিকার দিনহান আমারে বিশ্বাস কর। আজি যে জিনিসহান দিতাঙাই অহানল বারো তোর ইতাউর ঘরে যিসগা। কালিকার দেখি থাইসগা তাঙর ঘরেই। এরে দড়ি এহানে লাঠি এগই নেগা। বিয়ানে ঘুমেত্ত উঠিয়া ‘লাগ লাগ লাগ' বুলিস। অহার পিসে তোর