বুলিয়া আপাঙ হারৌ ইয়া নুয়া ইতাউ এগর ঘরে থাইল রাতি অহান ৷ বিয়ানে উঠিয়া তানুরাংত বিদায় লয়া ঘরেদে সালুইল হাতামশৌ অগল। ঘরে আরাংগ লালইতেই চিকারি দিয়া ডাহানি অকরল- অ বুড়ি ইমা! অ বুড়ি কালুয়েই । হেক্কসে নিকুল ধূপ থমেইল। চেয়া এরে কিগল আহিলুতা! বুড়ি এগই নিকদে নিকদে পানি সেনাপুল আহান খঙচেলহাত ডালিয়া তিক সৌয়িয়া মেংকুরুকর যাতিহানল নিকুলিয়া মাতিরি- কিগ চাঙ অহান মরণ ফাইসতগ বারো? কিগ আনলেগ? - এরে চেয়া। এরে হাতামশৌ এগরে এরে সিক্কা এগিল বারিয়া চা। হুনা রুপা ঝর ঝর জঙতইগ! – কিতা মাতরগ? হাইহান বুলিয়া বারিয়া চেইতে গবর আগিরি। সেলুমর গতগই বুজিল উঠানহানৌ। আপাঙরে খাগারাহানল তালকরানি অকরল— বাঘেখৌরা মোর লগে ফাগি কররতা। আইত্তে তোরে লমকরতৌগ। আপাঙে মাতের- বুড়ি ইমা আরতা নাকরতৌ এমতাগা এরাদে। আজিয়ৌ লারৌগুলি দে, মি কামে যাংগা ৷ এসাদে করিয়া পিসর দিন অহানৌ আপাঙ গিয়া বহিলগা পহুরিগর পারগত। এতাপারা ডিগল পথ এহান আহিয়া বারো গেলগা হান্তে চকথা ইয়া ঘুমাপড়িলগা সেন্দা অহাতৌ। বারো বিয়ান ফুয়ানির আগে ঘুম বাগিয়া, ভাতর বকগই লারৌগি নিকাল। মাতের— এগ খেইতু না অগ খেইতু! না না হাব্বিগি আকসাটে