খেদে খেদে সালুইল। করতে করতে আধারহান ইল। পথঘাট নাদেখানি অকরল। গাঙ আহাত আহিয়া ফৌয়িইলগা আপাঙ। ঘরে ঘরে তুলসীশপার তলে বর্তি লাগাসি। আপাঙে খালকরের এগ আমার ঘরগ না কিতা! মোর ইমাউতে এসাদে বর্তি দিয়া দৌ হমাদিরিগ। তাউ ঘর অগর উঠানহাত হাতামশৌ অগ উবা করিয়া ইমা ইমা বুলিয়া ডাহের। ঘর অগর মাপু অগ নিকুলিয়া মাতের, - কুংগ থাঙে? - - মি আপাঙ হে। ইমাতে কই? অহ তি পিসর গাঙর আপাঙ? আধার এহাততে কুরাংত আহরহান ? অহ এগ আমার ঘরগ বুলিয়া হমিলুতাহে। এরে হাতামশৌ এগ মোরে জেলাশৌ আগই দিলগ। এগ যেমন তেমনগ নাবে। এরে লাঠি এগিল বারিলে হুনা রুপা ঝর ঝর করে জঙেরগ এগরাংত। – কিতা মাতরগ? - থমেই আগল ঘরর মৌনাহা অগৌ নিকুলিয়া চেইরি। পাজুনিগল বারিয়া চেইতেতে হাইহান ইসে। মৌনাহা এগই হেয়করে ভিতরে ডাহিয়া ফিসফিস করিয়া কিতা মাতল হারনেই। মুনি অগ বারে নিকুলিয়া মাতের— ইতাউ আজি রাতিহান ডিলুইল। নাউ যিগা। আজিকার রাতিহান থাক আমার ঘরে। কালি বিয়ান্ত যিসগা তোর ঘরে। জঙ্গল আগ লালয়া যানা লাগের। জঙ্গলে হিংস্র জীবজন্তুয়ৌ থাইতারা। কিতাপারা উনা ইয়া পড়লেগা তিয়ৌ জিংতা নাইতেই বারো তোর হাতাম এগৌ জিংতা নাইতই । হাই দে