বিবিয়ারতা- এগ খেইতু না অগ খেইতু! ইন্দ্র সরারেলর পরিশৌ এগিয়ে খালকরলা, কুরাংকার হিনচাপা আগ ৷ আইত্তে তাঙরে খানাত পড়িল। আইত্তে ঘরে আলনি নাইল! তাঙি জবর দুঃখ ইলা বারো ডরপেইলা। হাবির খুলি পরিশৌ এগ খানি সাহসহান হবা। তেই মাতল— হে টেইপাঙর জীবগ! তি আমারে নাখেইনে! আমি তোরে হবা পুরস্কার আহা দিতাঙাই। যেহানল তি আস্তা জনমহান নুঙি ইয়া জাঙ আহার গজে জাঙ আহান তুলিয়া খানা পারতেই। আপাঙে নুঙপাঙ ইয়া চানাত লাগিসে। বাবারো! এতাতে কিতাহে! কতিয়ৌ চুনা ইসি বুল্লে পান্তাম দেনারতা নেই। এতা দৌ না মানু খালকরিয়া জুম মারিয়া আসে আপাঙ। ঔ সময় অহাৎ হব্বা দলা হাতামশৌ আগুলিল খুলি পরিশৌ এগ মুঙে উবা ইলি। পরিশৌ এগই মাতল— এরে এগ তোরে দিলাং আমি। এগরে এরে পাজুনি দ্বিয়গিল হাতেং হাতেং বারিয়া চা। আপাঙে চেয়া খাঙু ইল! হুনার লাঠিগল বারিলে হুনা পড়ের ঝরঝর, রুপার অগল বারিলে রুপা! আপাঙে হারৌ ইয়া ঘরেদে সালইল। পরি এগিয়ৌ পাখহানি মেলিয়া গজেদে মাঙইলা। আপাঙে জবর দুরিপা পথ এহান গুরু হাতামশৌ এগল আটতে জবর ডিলো যারগা। খেইপক পথ আহিতেই তারতা সেন্দাহান ইল। আধারর পরগ। রাতি জুনাকহানৌ নেইব। তেবো তা গুরুশৌ এগ