যাগা বাবারে! আপাঙ সালইল কাম বিসারিয়া। গামছাহার চুট্টিগত তার লারৌ সাতোগি বাদিয়া। যিতেগা যিতেগা টেঙারা সাতগ লালইল। সাতহান ছড়াউ। কোন কাম করবতা নাপেয়া ডাঙর পহুরি আগর পারে কদম শপা আহার ছেয়াগত বহিল। আস্তা দিন এহান রোদগত আটে আটে জবর চকথা ইয়াতে মাদানর লিরিলিরি বৌয়ে ঘুমা পড়িলগা। এগদে সেন্দাহান গিয়া রাতিহান ইল। রাতিহান গিয়া কুংগদে কালাচিংখেই ইসে হারৌ নাপাসে। লারৌ খানাউ পাহুরিসে। খাংদা পেটগর বকহানে কুরকুর করিয়া রুহানিয়ে ঘুমহান হজাক ইল। চেইতেতে মুঙবারার হাগহাত সাজিকগ ঝকঝক করের। ভাতর বকগই কাকালিহার গামছাহাত্ত গাঠিগ ফুকিয়া লারৌ সাতোগি চেয়া মাতেরতা— এগ খেইতু না অগ খেইতু! আগ খেইলে আরাক আগই দুঃখ পেইতই! অতার সারুক হাব্বিগি আকসাটে খাং ইমে । এগদে বারো ইন্দ্র সরারেলর সাতগ পরি জিলকশৌ ঔরে পহুরি উগত হারদিন হিনাত আহিতারা । রাতি এহান নাছে নাছে ফুল ছিড়তারা। ফুলর ডাল গিথতারা । বিয়ানহান ঙালফু ঙালফু ইতে নাইতে তানু পহুরি এগত লামিয়া হিনিয়া পুরপারিয়া কায়া ফুরদিয়া বারো ইন্দ্র মহারাজার দেশে যিতারাগা। আজিতে তানু হিনাত লামতেই আপাঙর ঘুমহান বাগিল। তাতে তার লারৌ খেইত করে