নিংকরল, ভগবান লমিতেগা মোর নাতিয়কতে গুরু-চরগ ইলতাকো বুলিয়া নিরালহান থাপারা থাপারা কাদানি অকরল। আপাঙে খামকরিয়া মাতের— অ বুড়ি! কিদিয়া চাঙ অহান মরণ ফাঙয়া কাদুরিগ। যাগা ধূপ থমেই আনগা ৷ বুড়ি এগই কত হাদা নাপেয়াউ ঘরে হমিয়া মেংকুরুকর যাতিহানল নিকুল্লি ঘরেও। কিন্তু এমতাগাতে আপাঙর কথামতো বারিয়া চেইতেতে হাতাম এগরাংত হুনা রুপা এতা জঙে জঙে পড়ের। বুড়ি এগ জবর হারৌ ইয়া নাতিয়ক আপাঙরে কলকরিয়া ধরিয়া কাদানি অকরল। তবে এরে আখির পানি এতা দুঃখরতা নাবে, হারৌপারতাহে। এসাদে করিয়া নাতিয়ক আপাঙ বারো বুড়ি দাঙ্গনক এগই কিতাই হুনা রুপা অতা বাজারে বেচিয়া তাংখা অতাল ঘরবাড়ি পাকা করলা। খানাপিনার অভাব আর নাথাইল তাঙরতা। নাতিয়ক দাঙ্গনকে নুঙি ইয়া হারৌ ইয়া থাইলা ।