চিকচাক আহান ইমে করতই। নাতে লরিসকো! লরলে গেলগা ! - অহ! লরলেতে কিহান ইতইথাং? – লরলেতে ইমে হাই ক্ষতি অর! উল্টাহানৌ ইতে পারে! – কিহান মাতরগ? - হাই, দাতগি শক্ত অনার বদলা কেলয়া পড়তেউ পারে। তবে মুহি, তোরতা যদি নিজর গজে ভরসা নাথার, তি লরতেই বুলিয়া খালকরলেতে বাধিয়া থানা লাগতই গারিগ। অহানে মনহান এক কর, তি পারতেই, সুপ না লরবে তোর দাতগিরে চেয়া! পারতেই বুল্লে না বাধিয়াই অকরিং কামহান মি । - না না বাসা বাবা। বাধেদে মোরে। পিসে মিসসিরি সাংকরেদিস। হাবিয়ে ধরাধরি করিয়া হিঞ্চাপি এগরে গুরুকলগর ডাঙর ইম্পি অগির লগে আত-জাঙ পাঙটিং দিয়া বাধলা। হিঞ্চাপি এগ করম করম মানু চাবিয়া খেইতই বুলিয়া হপন দেখিরি। এগদে রাঙা ঝকঝক করের জ্বিগত পুড়া বানুকহান আনিয়া মুঙে উবা ইল সিয়ান। হিঞ্চাপি এগ ইমে মুকসি দিরি। বিভোর ইসে তেই লোভে, হানতে মুঙে উবা ইসে মরণ অহান তেই নাউ দেখিরি! সিয়ানে মাতল - মুহি, মুকসিহান নাবে আ − কর ডাঙর করে। আখিগি জিপা। সিয়ানে মাতিয়া গাঙর বত্রিশগ বলি-পাংকালপা গাউরাপুয়েই হিঞ্চাপি অগর চারিয়বারাদে কুইকরিয়া উবা ইলা। হাবির আতে আতিয়ার! সিয়ানে পইলা তপ্তা