ডাহানিহান। মালকে পাহাত ইয়া বারো আখি মেলিয়া চেয়া বারো পাহাত ইলি। সিয়ানে ধরিয়া পানি কিতা সিকদিয়া কোনরকমে সুস্থ করল মালক বুড়ি এগরে। এগদে রাতি ফুয়েইতে না ফুয়েইতে হিঞ্চাপি এগ হুই হুই করিয়া ফৌয়িলিগা। সিয়ান এগই মালকরে ঠালি আগত বহাদিয়া তাক্করে তাক্করে হিনাদেনাত লাগিসে । হিঞ্চাপি এগ বারেদে যতৌ হবা সাকনে তবু মানু এতা হাবি দেখিয়া তেই মনে মনে জল বেলিরি। কিসাদে করিয়া খেইত বুদ্ধি বিসারিরি। অহাততে কুপকরে আপাঙর মালকরে হিনাদের অহান চেয়া মাতিরি — – হাউখেরে! কত হুয়াৎ ইবকো! – কিতা মাতুরিতা মুহি? - না হে! তোমার মালক এগ কত চুনা ইসেতা হে! অহান মাতুরিতা। তেইর কালা কালা দাত এসরি ইশ কতৌ হবা পেইলুতা হে! – অ, কিত্তাউ নেই মুহি, তোরেউ এসাদে দাতসরি কালা করেদেনা পারতৌ। এতাতে মিসসিরি সাংকরা দাত নাই! জবর শক্ত ইতই। চেক চাবিয়া খেইলেউ কিত্তাউ নাইব। - অ সিয়ান, মোরেউ মিসসিরি সাংকরেদেনে ! জবর বাসা নারিয়া হিঞ্চাপি এগ মনে মনে ফল ফল ফালদিরি। বারেদে ডাটঠা ইয়া বয়া মাতিরি। তেই খালকরিরি এগিরে আকিগ আকিগ করম করম চাবিয়া খানা পারতৌ মিসসিরি সাংকরলে! সিয়ানে ফিদাহান