বার্তন দেনা লমকরিয়া মনে মনে বেয়ক বারো মালকরে বপকরে হারৌ দেনা মনেইল। বেয়কে নিষেধ করানির পিসেউ ছড়াহান লালয়া গিয়া মুঙর গাঙ অহাত বার্তনৌ দিয়া আহিলগা । তা খালকরল, হাবি গাঙে বার্তন দিয়া হুদ্দা মুঙর গাঙেতে কিদিয়া দিয়া নারতৌতা । মি কিতা চাঙ অহান পাংকাল সলগ থাং? হারৌ হারৌ ইয়া ঘরে আলয়া মালকরেই বেয়করেই মাতেরতা— মুঙর গাঙেউ বার্তন করিয়া আহিলু-এ ইমা! আইত্তে দাদা কিহান? মোর কামে খুত পেইলেতা? হা হা হা হা করিয়া আহে আহে ডাঙর সায়া লেমপালহান জাকারার আপাঙে । অহান হুনিয়া মালকর আতেও সেঙসেঙর কলিক চপ ঝরমকো পড়িল! আখি আধার করল তেইরতা। মুরগ বুলিয়া পড়ানির অসারে ইতে সিয়ানে দাবদে আয়া ধরল। আসলে কিহান ইসে বুল্লেতে, ঔরে মুঙর কালা টেঙারা অগত হিঞ্চাপি আগর রাজত্বহান চলের। তেই ছাড়া যে ঘর কতগ আসি মানু অগিয়ৌ তেইরতা। তেইর কামদুম, ঘর হুরানি, পানি কাকরানি বারো রাতি হিঞ্চাপি এগ চকথা ইয়া মানু খেয়া আহিলে তেইর গারি আতজাঙ জাতানির কাজে থুয়াসেতা। আপাঙে ঔ গাঙে বার্তন দেনার অর্থহান ইলতাই নিজর মরণহান নিজে ডাহানিহান। মালকে পাহাত ইয়া বারো আখি মেলিয়া চেয়া বারো পাহাত ইলি। সিয়ানে ধরিয়া পানি