নারলা। পিসেদে বস্তাগ ফুকিয়া উঠানে ডালতেতে হুদ্দা আলুর শপাহানি কাপিয়া আনিসে আপাঙে! এতানাই আপাঙর কীর্তি! অহানে তারে থক্ক ভরসা করানি নুয়ারের সিয়ানেউ । আজিতে বৈষ্ণবসেবার আবকচা কাম। খরচ করানি হিসাবে হিসাবে। সিয়ানে বেয়ক আপাঙরে এরে চিন্তা এতাত নাউ বরার। খরচ করিয়া পেনিগ বুজিয়া মুরগত তুলেদিয়া মাতল— আপাঙ, এতা দৌর জিনিসহে। দেহা-মন সেংকরিয়া ঘরে নেগা। পথে মাঙসেং কিতা নাকরিস। মনহান সেঙয়া পবিত্র ইয়া করলে হুদ্দা দৌর কাম করানি কানাহানহে। যাগা হাই তি ঘরে। মি চিনু গোয়ালার ঘরেও সেলকুম দ্বিসের মাতিয়া আহুরি। হাইদে দাদা, তি সুপ না খালকরিস। মি ইমে লপুক সাময়া সিদা ঘরে যিতৌগা বুলিয়া আপাঙ ঘরেদে আলুইল। ঘরে যিতেগা যে ডাঙর লপুকগদে যারগা অগত হব্বে ধান কাপিয়া নেড়া উবা ইয়া আসে। বেলিটিকর চিকচিকা রোদগত নেড়া অতা হুকিয়া পট পট ফাটের। আপাঙে খালকরের নেড়া অতাই তারাং খানারতা মাগতারা। অহানে তা গুলি গুলি করে করে মুরর গজর পেনিগত্ত ডাইল, হৌপাত হিচে হিচে যানা অকরল। এসারে হিচতে হিচতে ঘরগ পেইতেগা পেনিগ হুদালা। এগদে বারো বেয়ক সিয়ান এগ কাম লমিয়া ঘরে আলর। লপুকগত লামিয়া দেখেরতা আস্তা পথ