আসে। গপ্পারা ধানগি আনানির হতনা আহান করনে বাবা। অ ইমা হিন নাপেই আনুরিগা— বুলিয়া ঘরেও নিকুলিল। মালকে ফামে পড়িসে পিতকর মুরগত পানির পট্টি দিয়া সেবা করিয়া থাইলি কাদে কাদে। পিতকর হুশ নেই রাতিত্ত তাপহানে। ঘরে খানাপিনা বন্ধ হাবিরতা চিন্তাই চিন্তাই । মাদানে আপাঙে কই মুঠি ধান আনলতা বুলিয়া মালকে চানাত নিকুলতে খাঙু ইলি। হইম্মা এহান কিহান! ধানর শপা গুড়িগত্ত মাটিয়ে সাটিয়ে ফক্করে ফক্করে কদালহানল খুলিয়া পেনিত বরিয়া আনিয়া উঠানহাত পেইগ করে থুয়াসে! ধানর শপাই কম মাটির চাকালাই জাতিয়া নাউ দেখরাং! গেলগা মারি কতি হিনপিয়া ধানগি তুল্লা অহান তাঙি হারপাসি। মালকে মাতিরি— অ আপাঙ! এহানতে কিহান করলেহান বাবা! আগাগি কাপিয়া আনবে। এসারে ধান লক্করতে তোরাং নাঙনি ইসে! পিসর মারি আলু ফক্করাত গিয়া আপাঙে বিসারাহার হাবি আলুর শপাহানি ঙকখি করে কাপিয়া বস্তাগত বরিয়া আনিয়া মালকরে ডাহিয়া মাতের— এরে চা ইমা! নিকুল ঘরেও। দাদাই না হিনপাক করে আলুর ফসলহান ঙকখি করে তুলিয়া আনেদিলু। এহান মাতিয়া ডাঙর সায়া লেমপালহান জাকারিয়া যেসারে দাতসরি মেলাসিল অহান দেখিয়া বেয়ক সিয়ান বারো মালকেউ মুকসি নাদিয়া