রক্ষারকা বেইরির লগে যুদ্ধ ঔহান বহুদিন ধরিয়া চলেছিল, ফলে রাজভাণ্ডারেউ টান পড়েছিল। উপায় নাপেয়া মহারাজাই আমার বাবারাংত টালি দুহান ধন-সাম্পাল, হুনা-রুপা উদারি করেছিলতা। লগে এহানৌ মাতেছিল যে, কুনো কারণে ঔতা আলখক দিয়া নুয়ারলে মোর পুতকে তোর পুতকরে ফিরেয়া দিতই, মানে রাজাগিরিয়ে মোরে ঔতা আলকরিয়া দিতেই বুলিয়া য়ারিপরি অছিলহান। তারো রাজাগিরিয়ে য়ারি এহান হারপাছিতা না কিতা? যুবক এগর কথাহান হুনিয়া রাজাগিরি আকফালে হেজিহানাত্ত উঠিয়া বহিল। খালকরের, কুরাংত আহিল জীবগ! এমন কথা আহান হুনুয়েইল! যদি ঔতা কিতা মি হারনাপাছু বুললে নাহুনেছু য়ারিহান হুনানির সালে রাজ্যহানর অর্ধেক দেনা লাগতই, এখুরুম হুনেছু বুললেতে ডাঙর ডাঙর টালি দ্বিয়গি বুজে ধনসাম্পাল, হুনা-রুপা দেনা মানে ভাণ্ডারগ একেবারে খালি অনা! রাজাগিরি মহাফাপর আগত পড়িল। কতহান খালকরিয়া লেপকরল, রাজ্যহানর অর্ধেক দান করিয়া আচানকর জীব এগরে নিজর সম-সমানি আগ করানিত্ত টালি দুহান বুজেদিয়া গিরক এগরে এব্বাকারগাই এপেইত্ত বিদায় দেনাই বালা। ঔমতে হাবিতার ব্যবস্থা করিয়া গিরক ঔগরে তার প্রাপ্যল রাজাগিরিয়ে বিদায় দিল। মিকুপহানাত