রাজাগিরির গারিগত্ত কুড়িয়ামি হাবিতা দুরেই অইল পারা। নিজর অকর্মণ্যতা, বোকামি হাবিতা উপয়া রাজাগিরির জ্ঞানহান ফিরিল পারা। হাবিতা মাংকরিয়া ভাণ্ডারগ শূন্য অয়াতে এবাকা সেংকরে কামে-কাজে মনহান দিল, সভাসদবর্গ হাবিরে ডাহিয়া নিয়মিত রাজকার্য অকরানির সিজিল করল। খবরহান রাষ্ট্র অনার লগে লগে প্রজাবর্গও চিনকরে রাজসভার সভাসদ পেয়া রাজ্যহানর মানু এতা হাবিহান আরোহে হারৌ হারৌ অইলা, রাজাগিরির মতিগতি ফিরিয়া আহিল বুলিয়া আস্তা রাজ্যহানাতেই হারৌর ঢেউ খেলানি অকরল।