নুঙেইপাতা অইতাঙাই, আমার সংসারেত্ত লেইরা তারান্না হাবিতা দুরেই অইতই, তারো তি সুপ না খালকরি বুলিয়া ঔসাদে নানানতাল তেমজেয়া বুজেয়া কুনোমতে মালকরাত দশ টেকা আদায় করিয়া সালইল। ঔতাল বাজারে গিয়া ডাঙর ডাঙর টালি দুগ লয়া বাঙ আহানল ঔগি বার করিয়া লেম্পালহানাত দিয়া রাজদরবারেদে সালইল। = 10/ রাজদরবারে ফৌয়ইলগা ঔপেইত প্রহরী ঔতাই গিয়া রাজাগিরির রাথাং লয়া তারে ভিতরে নিয়া গেলাগা। ভিতরে গিয়া বাঙহান লেম্পালহানাত্ত লামেয়া টালিগি কাদা আগদে থইল। দেহের, চারিয়গদে মানুহান মেলহান অয়া বহেছি। রাজাগিরি হেজিহানাত ঙায়া মানু এতার য়ারি হুনাত মত্ত অছে। যুবক এগর বারাদে আকখুরুম চেয়া রাজাগিরিয়ে মাতের- কিতা অছেথাং মাত । যুবক এগই সম্বোধন জানেয়া মাতল— হাই রাজাগিরি, আজিত্ত প্রায় বিশ বছর আগে রাজাগিরির পাবুঙ মহারাজে বারো আমার বাবাই কিতাই মারুপহান ১৩৮- আছিলাতা। আমার বাবারতাউ ঔসাদে ব্যবসাপাতি, ধনসাম্পাল হাবিতা নিয়াম অয়া আছিলতা থকয়া বরাবালা অয়া মহারাজার লগে পেয়াউ উঠা-বহা করে পারেছিল! ঔসাদে করিয়া হারৌপিয়মে দিন ঔতা চলেছিল সময় ঔহানাত খাংতাকরে বেইরিয়ে রাজ্যহান আক্রমণ করলা, রাজ্যহান