মি হুনেছু য়ারিহান! নিয়ামপারা লেখক, সাহিত্যিক, পণ্ডিতবর্গই জাগাত বয়া য়ারি আকেইহান লেংকরিয়া হুনুয়ানির পিছেউ রাজাগিরির ইমে উত্তরহান আকহান- এহানতে মি হুনেছু য়ারিহান। রাজাগিরির কৌশল এহানাত যত বুদ্ধি লৌশিংআলা মানু এহান ঠেটু বাগিয়া খাংকরতারা পারা! রাজ্যহানর হো খামতলেদে গাঙ আহানাত যুবক আগতে আছিলতা। শিক্ষাদীক্ষা খানি থাইলেরগায়ো কুনো চাই-চাকুরি নাপেয়াতে মনর দুঃখে ইমে বুলিয়া করিয়া থার। ঘরে মানু বুলতে তানু ইমে মালক-পুতক। নিক্কাদিন বেলি হমেইতেগা মালকরাংত রুপা আহান মাগিয়া ঔতাল বুলিয়া করিয়া আহেরগা। মালকে নিয়াম হিনপেয়া সংসারহান চলেইরিতা থকয়া পুতকর এসাদে অন্যায় আবদার সেকে নুয়ারিয়া মারিং দুহিং বুলিয়া হামেশা ঔতাল কত লৈলাট! এসাদে করিয়া অইতে অইতে রাজাগিরির পৌ এহান যুবক এগর কানহানাত আহিল। ঔহান হুনিয়া যুবক এগই ইরাইরি ঘরে আয়া মালকরে দশ টেকা আহান দেনারকা মাতলগা। নিক্কাদিন রুপাহান বুলতে আজিতে চুমচেত আয়া দশ টেকা মাততে হুনিয়া মালক জ্বি-আঙারাগর সাদে অইলি। যুবক এগই মালকরে তেমজেয়া মাতল— আজিয়ে লমইল ইমা, আর কুনোদিন দেনা না লাগতই, কারণ আজিত্ত আমিয়ৌ রাজাগিরির সমান