নিয়ামদিন আগেকার য়ারিহান। জবর কুড়িয়া রাজা আগতে আছিলতা। দিন এহান কুনো কাম-কাজ নেই ইমে ঘুমজে ঘুমজে থাইল। রাজসভার সভাসদ ঔতাউ উপায় নাপেয়া ইমে রাজাগিরির লগে য়ারিপরি দিয়া সময় কাটেইতারা । রাজাগিরিয়ে হেজিহানাত থায়া তানুর য়ারি হুনে হুনে ইমে ঘুমজিয়া থার। নিয়মিত রাজকর্ম কুনোতাউ নার। ঔসাদে আকয়া রাজ্যহান প্রায় অচল অইল বুলানি য়াকরের। ঔহানরকা প্রজারাং পেয়াউ দুঃচিন্তার অন্ত নেয়ইল। আকয়াতে সভাসদ ঔতাউ রাজাগিরির লগে আয়া মাগানা য়ারি দিয়া তিলনি বাদ দেনা অকরলা। এখুরুমতে রাজাগিরি ডাঙর সমস্যা আহানাত পড়িল! হেজিহানাত সময় এতা আর না ফুরের পারা! য়ারি দিয়া বইবা মানু আর নেয়নি অকরলা! রাজাগিরিয়ে খালকরতে খালকরতে উপায় আহান নিকাল— চারিয়গদে পৌ আহান জারি করেদিল, যেগই না হুনা য়ারি আহান রাজাগিরিরে হুনুয়া পারতই ঔগরে রাজাগিরিয়ে রাজ্যহানর অর্ধেকহান দান করতই । পৌ এহান পানার লগে লগে মানু এহান পেরিবাতগ অইলা! রাজাগিরিয়ে বুদ্ধিহান জবর কামে লাগিল বুলিয়া হারৌ অইল। পুলনি অকরলা মানু এহান আকেইগই য়ারি আকেইহান হুনুয়েইতারা। রাজাগিরিয়ে ইমে হেজিহানাত ঙায়া য়ারিহান হাবি হুনিয়া হদেয়া মাতের— এহানতে