এগর লেজগত ধরিয়া লামলাম অয়া তাউ আত্তিগর লগে অয়া গিয়া স্বৰ্গত ফৌয়ইলগা জিংতা মানুগ আহানিয়ে স্বর্গত হুলুস্থুল আহান দেহা দিল! স্বর্গত পরলেই অবস্থা আহান অইল! জিংতা মানুর কাচা গত এহান জারে নুয়ারিয়া স্বর্গর দৌ এতা হাবি ডাঙর সমস্যা আহানাত পড়লা। ইরাইরি সভা করিয়া রাজাগিরি ইন্দ্ররাং গিয়া নালিশ জানেইলাগা। দেবরাজ ইন্দ্রই আপাঙ এগরে বুজেয়া করিয়া পয়সা নিকল বস্তা আহান লগে দিয়া কুনোমতে আলকরে বারো পৃথিবীত দিয়াপেঠাদিল। আপাঙ এগই ঘরে আয়া মালকরাং য়ারিহান হাবি বাগেইলগা । হুনিয়া আপাঙর মালক জবর হারৌ অইলি। আপাঙর কাণ্ড বারো পয়সা লিকল মাহি পেয়া আহেছে য়ারিহান হুনিয়া আপাঙর লেংকা-মারুপ হাবিহান লোভ সামালা নুয়ারলা, তানুয়ৌ পয়সা পানারকা স্বৰ্গত যানা মনেয়া আপাঙ এগরাং আয়া কাকুতি মিনতি করানি অকরলা। এসাদে অনুরোধ করানিয়ে আকয়া আপাঙ এগই আর জারে নুয়ারিয়া হাবিরে স্বর্গত নিয়া যানারকা রাজি অইল। হাবিরে বুঝেয়া মাতল তা যেসাদে মাততই ঔসাদে করানিরকা। হাবিহানে য়াকরিয়া আপাঙর কথামত সালইলা । আপাঙ এগই হাবিরেল ধান খেতিহানর ডাঙর জাঙ্গাল ঔগর তলে লুকেয়া থাইলগা। ঠিক বেলি হমানির আকাক ঔহানাত