কি কাণ্ড করেছত্তা চাগা হেক্কসে । মালকর গালিমাহি হুনিয়া তা বারো চানাত গেলগা । আপাঙ এগই কুপকরে চেইতেগা দেহের— হাইহান, কালা কালা অয়া পড়েছে ঔতা হাবি ধান, পক নিংকরিয়া তা লাঠিগল বারেয়া জঙেয়া বেলাছেতা! হার নাপেয়া করেবেল্ল কাণ্ড এহানরকা জবর পস্তেয়া পড়েছে ধান ঔতাদে মনর দুঃখহানে চেইতে খাংতা করে দেহের বি এহানাত আত্তির পারা মাহি! আচানক অয়া খালকরের, এপেইত আত্তির পারা মাহি এতাতে কিসাদে আহিলতা! কুরাংকার আত্তি আয়া আমার ধান খা’দিতারাহান থকছে! এসাদে খালকরিয়া আপাঙ এগই আত্তি এতা বারো আইতাই পাউরি বুলিয়া ঔতারে ধরানিরকা ডাঙর জাঙ্গালগর তলে ডিগলগ অয়া লুকেয়া রাহিয়া থাইল । এসাদে লুকেয়া রাহিয়া থাইতে থাইতে বেলি হমানির আকাক ঔহানাত হুত্তুমেউ দেহের— ধলা আত্তি আগ হাগহানাদেত্ত সুরকো লামিয়া আয়া ধানহানাত পড়িয়া খানা অকরলগা! এগতে স্বর্গর ধলা আত্তিগ। ধলা আত্তি এগর অপরূপ রূপ এহান দেহিয়া আপাঙ এগই লাঙয়া চেয়া থাইল। আত্তি এগই ধানহান খেয়া খেয়া আগুয়েয়া যিতেগা যিতেগা জাঙ্গালগর তলে লুকেয়া আছে আপাঙ এগরে খাংতা দেহিয়া সুরকো হাগহানাদে কায়া যানারকা সালইতেই আপাঙ এগই ফলকরে ফালদিয়া আত্তি