স্বৰ্গত্ত ধলা আত্তি ঔগ সুরকো লামিয়া আয়া ধান খানা অকরল, হাতে হাতে জাঙ্গালগর কাদাহানাত আইতেই লুকেয়া আছি এতারে দেহিয়া হাগহানাদে ফরদিয়া যানারকা করতেই আপাঙে পপকো লেজগত ধরিয়া লামলাম অইল। আপাঙর জাঙহানিত আরাক আগই ধরল, ঔগর জাঙহানিত আরাক আগই। এসাদে আত্তিগর লেজগত আপাঙে ধরেছে, তার পিছেদে আগর জাঙে আগই ধরিয়া ডিগল সুরিহান অয়া লামলাম অছি এতা হাবিরেল ধলা আত্তি এগ স্বৰ্গদে সালছে। যিতেগা যিতেগা তলেদে লামলাম অছি এতাই আংকরতারা- আপাঙ আরতা কতিহান বাকি আছেতা? আপাঙ এগই মাতের নিয়ামপারা বাকি আছে ৷ বারো যিতেগা যিতেগা আংকরতারা- আপাঙ আরতা কতিহান বাকি আছেতা? আপাঙে মাতের— আরাকৌ বাকি আছে । ঠুকরানিহানে আকয়া এতাই সৌয়য়া আংকরতারা- আরাকৌ মানেতে কতিহান বাকি আছেতা মাতবেনাই? আপাঙ এগই ফিংকরে সৌয়য়া মাতের— এত্তাপারা বাকি আছে! ঔতা বুলিয়া আত দ্বিয়োহানি সালকরতে আত্তিগর লেজগ এরাদিয়াবো! এহান হাবি গজে কা'গেছিলগা ডিগল সুরি এহান খাংতা তলেদে সালইল! চিকারি দেনা অকরলা- আপাঙ কুংগদে যিয়ারগাতাতে! চেইতে চেইতে ডিগল পারেঙ এহান মাটিহানাত আয়া আগর গজে আগ উবুরিসুপন দিয়া পড়লাগা। হাবির গজহানাত আয়া