মোর কলাকৌশল এতা চ্যালেঞ্জ করিয়া মোরে হারা পারলে ঔগর মুঙে মি মুরগ নঙেয়া হমায়িতৌ বারোতে দেশ-বিদেশে চমৎকারিত্ব দেহেয়া মোর যত ইনকাম করেছু ধন-সম্পদ এতার আধা-আধি পুরস্কার হিসাবে ঔগরে দান করতৌ। গিরকর অহঙ্কারী ঘোষণা এহান হুনিয়া উপস্থিত মানু হাবিহান ইঙগ অছি, ডরে-সংকোচে কুনোগই টু শব্দ আহান পেয়া নাকরতারা । ঔতা হাবি মানুর হাদিত্ত ডুফা এগ মুঙে আগুয়েয়া গিয়া মাতের— বাহা গিরক এমাটিক হাবি না টটরেই, মি আহিগি জিপেয়া করতৌ ঔহান তি আহিগি মেলিয়া করে নারতেই। ডুফা এগর এসাদে চ্যালেঞ্জ এহান হুনিয়া জাদুগর গিরক ঔগ খাং লাগিল । মাতের, তি আহি জিপেয়া করতেই ঔহান মি আহি মেলিয়া কিয়া করে নারতৌতা? ডুফা এগই মাতের, ঔহান অইলেতে উবা অ এব্বাকাই এপেইত প্ৰমাণ অক ৷ জাদুগর গিরক ঔগয়ৌ ডুফার চ্যালেঞ্জহান গ্রহণ করল । ডুফা এগই লগে কত্তকেজি রাঙা কেচোকুরি মরকসির গুড়া আনুয়েইল, এরে চা মি আহি জিপেয়া এতা পরল পরল করে আহিথমে তাক্করুরিতা। আহিথমে ঔতা কত্তপরল তাক্বরিয়া হদেয়া হবা করে আহিগি পানিল ধরা হদেয়া মাতের, দে এবাকাতে তোর পালাহান। আহিগি মেলিয়া মরকসির গুড়া এতা আহিথমে পরল পরল করে তাক্কর । জাদুগর