গিরক ঔগই কাদিঙ কাদিঙগ অয়া ডুফার মুঙে আতজোড় করিয়া মাতের— গিরক মি লালইলু, ক্ষমা করেদে। নাম-দাম প্রচারপত্তিয়ে আকয়া মি অহঙ্কারে অন্ধ অ’পড়েছিলুগাতা, আগ-পিছ না খালকরিয়া এসাদে চ্যালেঞ্জ করানির অপরাধ করেবেল্লুতা, মোরে ঙাক্করেদে, জীবনে আর এসাদে ভুল নাকরতৌ। মানু হাবির মুঙে মি ঘোষণা করেছিল পুরস্কার হাবি তোরে দেউরি গিরক । ডুফার কীর্তি এহান দেহিয়া লয়াগর মানু, দুরেই দুরেইত্ত আয়া ঔপেইত পুলছি আর আর মানুহান হাবি আচরিত অয়া ডুফার বুদ্ধি-লৌশিঙর বাখান করানি অকরলা।