ডুফা এগ তার নাঙ এহানল হামেসা পরিতাপে থার। কনাকে খানি সিদা-সাদা সরল প্রকৃতির শৌগ অছিল তাথকয়া ঘররতাই ডুফা নাঙ এহান থদেছিলাতা। কিন্তু ডাঙর অইলতা পেয়াউ তার সম্বন্ধে মানুয়ে কথাই কথাই আগরে আগই মাত্তারা, অবায়কো হলু ডুফা ঔগর কথা না টটরেই। এসাদে তারে গুরুত্বহীন করে টটরতারা কথাবার্তা ঔতা হুনে হুনে ডুফা এগর মনহান হামেসা হিন আহানাত থারতা। অথচ তার বুদ্ধি-লৌসিঙ যেতা কাফামে জাহির অর ঔতা থক্করে যেগ-হেগই খণ্ডন করে পারিলতা নাগই ৷ আকখুরুমতে লয়াগত ডাঙর জাদুগর আগর আবির্ভাব অইলতা। নানান নমুনার কেরামতির জাদু খেলা দেহেয়া জাদুগর গিরক ঔগই লয়াগর মানু হাবিে বিভুলা করের। নিক্কাদিন শো চলের। হুদ্দা লয়াগর মানু নাগই, দুরেই দুরেইত্ত পেয়া গাড়ি ভাড়া করে করে মানুহান আইতারা। শোহান লেহে মানু এহান অম অম করতারা। জাদুগর গিরক ঔগই তার মহিমাল খেনে হিল কতগ আতহানাত লয়া ঔতা হুনার লিকল অলকরেদের, খেনেউ নিজর মুরগ ঘারগত্ত খেইকরেদিয়া চমৎকারিত্ব দেহুয়ার । এসাদে নানান জাদুর কেরামতি দেহেইতে দেহেইতে জাদুগর গিরক ঔগই পুলছি মানু হাবির মুঙে ঘোষণা আহান দিয়া মাতেবেল্ল- এতা হাবি মানুরমা যদি কুনোগই