আপাঙ! কিতা বিসারারতা! আপাঙে মাতের- ইমাই মাতেসিলি জিনিস আহান বিসারাউরিতা! কুনো মূল্যবান জিনিস আহান নিংকরিয়া হাব্বিহানৌ বিসারানি অকরলা। পানিহানাত নিয়াম সময় ধরিয়া থানাই অনেক গিরি-গিরকরে ইঙবারি দিল, অনেকগর পেট ডেফারা দিল । কিতাপারা গিরক আগরতা সুগন্ধী মলয়া পবন আগ লেইলেক অ’পড়িলগা গতহানে লঙ্গেইহানর হাওয়াহান তঙাল অইল। খাংকরে নুয়ারিয়া গিরক আগই মাতল— ছিঃ পচা ডাইলর গত আহের। আপাঙ আর্কিমিডিসর ডেকি ‘পেইলু পেইলু!” বুলিয়া ‘ডাইল ডাইল!' জপ করিয়া দোকানেদে সালইল। বাকি মানু ঔতা হাব্বিহান নুংপাঙ অয়া চেয়া থাইলা ৷ দোকানগত হমেয়াউ মাতের- অ মাহাজন! ইমায় কইসে ডাইল দেও। দোকানিগই মাতের— কতখান দিতাম? আপাঙে মাতের— ইমায় যতখান কইছে। দোকানিগই মাতের- তোমার ইমায় কতখান কইছে ইতা আমি জানিনি? আপাঙে মাতের— জান নাতে দোকান দেও কিতারকা? চালাক করি দেও বুলিয়া রুপাহান দোকানদারিগরে দিয়াদিল। দোকানদারি উগৌ ডাইল মচা আহান আপাঙরাং দিয়াদিল। ডাইলর মচা উহানল আপাঙ গরেদে আলথক অইল । লঙ্গেইহানর পারগত খাংতা উসুটন খেয়া আপাঙ পড়ে পড়িলগা। আতহানর ডাইলর মচাহান পানিহানাত পড়িল। পানিহানাত লামিয়া উমকরানি