উমকরানি অকরল তা, মচাহানতে নাপেইল। কিন্তুমান খাজিং মাছ আগতে ধরল। ধরিয়াউ খাজিং উগরে চেয়া মাতানি অকরল- হেইট বেটা! মোর ডাইল মচাহান খেয়া ফুটানি কররতা? এতা মাতিয়া খাজিং ঔগল গরেদে আলইল। গরে আনাই মালকে মাতিরি— বাবা আপাঙ, ডাইলতে আনলেতা? আপাঙে মাতের— ইমা এরে মাছ এগই মোর ডাইলর মচাহান খাদেসে। উপায় নাপেয়া মালকে মাতিরি— যেতাউ অক, মাছগ বাজা করিয়া হৌ রাধেবেলা । মালকর বাক্য বেলানি নার নিংকরিয়া মাছ উগ বাজা করিয়া হৌ রাধানিত লাগিল। খাংতা দেহেরতা মাছ উগ বুত বুত করের। চেইতে চেইতে আপাঙে মাতের— লাগছে তাল। মাছ এগতে শৌ জরম দেরতাতে! বাঃ হারৌহানে খাঙহানাত্ত খাজিং উগ আসুলদিয়া আপাঙে তার থতাহানাত বরেইল। রাধানিহান লমইল আরো আপাঙে-মালকে ভাত খানাত বইলা। মালকে খেরিগত কোন মাছ কিতা নাদেহিয়া আংকরিরি- বাবা আপাঙ! মাছতে কই? আপাঙে উত্তর দিল- ইমা! শৌ মাহি জরম দিল হানতে মি খাজিং উগ খাবেল্লু। মালকে হারপেইল এবাকাতে আর উপায় নেই। আপাঙর তুলো থানার গুণতে ইমে এতা নাই। মনে মনে বিরবির করিরি— দুনিয়াহান কুংগদে চলের হার নাপেইলে হানতে যেহান মনার ঔহান করর। কিহান অইল নাইল কুনোতার