হাই, রাজগিরি। - - • উহান অইলেতে কালিও আর না কিলেইতৌ। কিয়াকা কিলেইলু উহান পিসেদে হারপেইতেই আপ্পানেউ । থাংনাকার দিনে রাজদরবার বহেসি উবাকা বান্দর উগ আয়া রাজাগিরির আতহানাৎ হুনার মুদ্রা উহান দিলহা। রাজাগিরিয়ে বান্দর উগরে উদিনতে পাইজনগল না বারেইল। বান্দর উগ রাজাগিরিরে কুপকরে চেইলমাহি চেয়া আলয়া তা থার ফামে গেলগা। মন্ত্রী, সভাসদ বহেসিলা উতা হারৌ অইলা। থাংনাকার দিনে রাজদরবারে রাজাগিরির আতে হুনার মুদ্রাহান দিতে বান্দর উগ রাজাগিরিয়ে না বারেইলহান দেহিয়া রাজাগিরির কাদাৎ চেপয়া রাজাগিরির জাঙ আতে তার গারিগ খানি গসিয়া বেলেয়া গেলগা । থাংনাকার দিনে বান্দর উগ রাজাগিরিরাং আরাক খানি চেপইল। থাংনাকার দিনে সভাসদ হাবির মুঙহানাৎ রাজাগিরিরাং হুনার মুদ্রা উহান দিয়া বান্দর উগ চংক ফালদিয়া রাজাগিরির উরকহানাৎ গিয়া বহিলগা। রাজাগিরি কিত্তাউ নাকরিয়া বুড়া মন্ত্রী উপরে চেয়া হুদ্দা মুকসি আহান দিল। রাজাগিরিয়ে দিল মুকসি উহানর অর্থহান হারনাপেয়া মন্ত্রী উগ বারো সভাসদ উতা হারৌ অইলা। এসাদে অইতে অইতে দিন আহান বান্দর উগ রাজাগিরির লেমপালহানাৎ বহিলগা। উহানাতৌ রাজাগিরিয়ে না বারেইলহান