দেহিয়া থাংনাকার দিনে বান্দর উগ রাজাগিরির আতহানাৎ হুনার মুদ্রাহান দিয়াউ আকচঙে রাজাগিরির মুরগৎ কায়া বহিলহা। বহিয়াউ রাজাই পিদেসে রাজমুকুট ঊগ খুনটানি অকরল। মন্ত্রী সভাসদ হাবিয়ে এহান দেহিয়া ঙাকয়া মাতানি অকরলা- হাঃ কিহানতে! বান্দর এগর বেবার এহান কতি তলসেতা। বুড়া মন্ত্রী উগ উঠিয়া রাজাগিরির মুরগৎ বহেসে বান্দর উগরে খেদানিৎ যিতেগা রাজাগিরিয়ে কাদাৎ থসিল পাইজন উগল বান্দর উগরে আকবারি দিল আরো বান্দর উগ লামিয়া তার ফামে গেলগা । রাজাগিরিয়ে মন্ত্রী উগরে মাতল- মন্ত্রী, দেখলেতা, এহানরকা বুলিয়া মোর উপকারহান করেরহান হারপেয়াউ বান্দর উগরে আকেইবারি দিয়া সামালেয়া থসিলুতা। উহানল হারপেয়া থয়ো, যেগর তুলো যেসাদে বেবার করানি উচিত উসাদে বেবার করানি থক। রাজাগিরিয়ে পইলাই একথা এহান মাতলইসতে নাউ য়াকরলাইস। সেইখাতে দেহুয়াদিল থাংতে হাবিয়ে হারপেয়া লাজপেইলা বারো উপদেশ আহান পেইলা । রাজাগিরিয়ে বারো মাতল— এহান হুদ্দা বান্দর এগরকা নাগই। টেইপাঙ মানুরাঙৌ এহান খাটের।