কুংগই দেহানি চিলসে। গুণাধর হাতে হাতে যমদূতর ফালুহানাৎ হাবির পিঠিত তানুরাং চেপয়া বহিলগা। তা বহিলগা এহান কুংগয়ৌ হার নাপেইলা। সমেয়হান অনিয়ে মহাদেব গিরক আয়া ফৌয়ইলহা আরো মৃতাগর দেহাগ বাটানি অকরলা। গুণাধর ইম্পানি অয়া বাট আহান পানিরকা বাসেয়া থাইল। প্রতি মুহূর্তৎ তারতা ধরা পড়ানির ডর। ধরা পড়লেই জিংতা জিংতা মরণ- উতাউ স্বয়ং যমদূতর আতে, শ্মশানহানাৎ। নিংশাহান ডিফানি বিত্তা অয়া জীবনর চরম মুহূর্তহানরকা খাংকরিয়া থাইল। গুণাধররে নাদেখলেউ গহানল হারপানি অকরলা দুগ আগই। আজিকার তিলসি এহানাৎ খানি তঙালপা আহান উপলব্ধি করিয়া আগরে আগই চানি অকরলা। 'টেইপাঙ মানুর গৎ আহের পারা' বুলিয়া টটরানি অকরলা। এহানেতে তানুর কামে খানি বাধা আইলেউ মৃতাগর দেহাগ বাটানির কামহান চলেয়া যিতারাগা। গুণাধর তার উপস্থিতিহান হারপেয়া প্রতিক্রিয়াহান অসে উহান দেহিয়া ডরপানি অকরল। সাহসহানাৎ আরাকৌ ভরসা করিয়া খাংকরিয়া থাইল। মৃতাগর দেহাগ বাটিয়া গুণাধর বহেসে কাদাগ ফৌয়য়া আইতারা মাহি যমদূত উতার প্রতিক্রিয়াহান জবর অ’যারগা। আধারহানাৎ কারে কুংগই দেহানির মুরাদ নেই — হুদ্দা অনুভূতিল। গুণাধরর