সাধনাহান সিদ্ধিলাভর চরম মুহূর্তহান আহিল। হিকেসে হাব্বি বিদ্যা ফুক্করিয়া দিয়া আজিকার সাধনার ফলহান পানিরকা হাবি যমদূতর সাদে আতহান পাতিয়া বহেসে। মেরাকর বাটে মৃতাগর দেহাগর বিভিন্ন অংশ পড়ের। মেত্তমকাহানাৎ তার অভীষ্ট সাধন অইল। গুণাধরর আতহানাৎ মৃতাগর কেঙু আঙুলিগ প্রসাদ হিসাবে পড়িল। যেগরকা জীবন মরণ না খালকরিয়া খাংকরিয়া আসিল ঔগ আতহানাৎ পড়ানিয়ে চেৎকরে ধরিয়া উঠিয়াই গর তালকরে দাপদানি অকরল। যমদূত হাবিয়ে এহান হারপাবেলেয়া তারে তালকরানি অকরলা। আজি টেইপাঙ মানু আগই তানুর আহিৎ ধূলি দিয়া সিদ্ধিলাভ করানিয়ে তানুর ডরপানির কারণহান অইল— এগরে মারানি নুয়ারলে যমরাজার আতেত্ত তানুরতা নিস্তার নেই। যমদূতর আতে ধরা পড়লে গুণাধরর মরণহান শৈনেই— উহানে তাউ জানহান দিয়া দাবদের। গুণাধর নিংশা আকহানাৎ আয়া তার ভিটাগৎ হমেয়া গান্টাহান গাটেদিল। মন্ত্রল বাধিয়া থসিল ভিটাগৎ হমানির ক্ষেমতা নেয়য়া যমদূতগি 'টেইপাঙ মানুগ আজিতে জিংতা অইলে' বুলিয়া আলয়া গেলাগা । এসাদে করিয়া থাচি-ঠাংচার রাতি শ্মশানেত্ত যমদূতর প্রসাদ পেয়া গুণাধর সিদ্ধিলাভ করেসিল বারো মেইপার মালেমে হাবির গজর ফামহান