উবা অইল । গুণাধর অজাই হারপেইল কাফামহান বেরা অইল- খানি ডরপেইল। এহানাত্ত জিংতা অইল উপায় আকহান তা হিকেসিল। আহির পট না মারিয়া ছেয়া উগরে চেয়া, দ্বি-পারার হাদিগরমা উবা অয়া খানি নঙিয়া মাটিহানাত্ত কেচুয়ার টেপি আগ উমকরিয়া, উগৎ লহি করিয়া, আচ্চৌপা মন্ত্ৰ উহান সলকরিয়া ঔ টেপি উগ ছেয়াদৌ উগর গজে উরাদিল। চমৎকারহান— এতাপারা মাতৌ থি কালাদৌ এগ গুণাধরর লমইলগা আতিয়ারহানরাং সেকে নুয়ারিয়া কান্থিহানে উমাং খতকরে খতকরে মাঙয়া গেলগা। গুণাধর অজা জিংতা অইল। ঔ হাকতাকর নাঙি মেইপাগ পাগালা অজার পরুয়াগ অয়াউ পাগালা অজারাংত গুণাধর নিয়ামপারা জিঙেসিল। দৌ-দুকর কাম করতে সাহসরৌ দরকার। গুণাধর নিয়াম সাহসীগ আসিলতা থকয়া তা হাব্বিরে জিঙেসিল। আরাক ডাঙর বার আহান গুণাধর অজারাং আসিল যেহানরকা তার তুলো হাবি মেইপা মান্না অনি নুয়ারলা। ঔ বার উহান তা কিসাদে পাসিল উহানৌ ডাঙর য়ারি আহান। ঠাংচাই থাচিয়ে তিলর দিন উতাৎ মরতাই উতার শ্মশানে রাতি মেরাকে ফুতিফালি বেলেয়া ডর নাপেয়া গিয়া বহানি পারলেগা কপালে থাইলে ডাঙর বার আকেইহান পেইতারা- সিদ্ধিলাভ অর। এহান গুণাধরে তার অজারাংত হুনেসিল। এ কাম