ডরভয় নেয়সিল। আকদিন রাতি ডিলয়া গরে আলইতে মজারখানার কালাদৌ উগই গুণাধর অজারে পাসিল। থাচির রাতিহান মেঘালা অয়া বরনহান পড়িং পড়িং বুলিয়া আসিল। মজারখানাহানর হাদিমেরাকে ফৌয়ইতেই খাংতাকো পিঠিয়েদে ডাঙর পারার শব্দ আহান হুনল। বুলন দিয়া চানি নাকরের বুলিয়া ইজ্জু মুঙেদে চেয়া কাকেইহান ডিগল করল। শব্দ উহান জবর অইতে অইতে চানাপা কাদাৎ চেপইলহা — পচা গৎ আহানৌ গুণাধর অজার নাকগৎ বারি দিলহা। গুণাধর অজাই বারো গারিগ বাধানির মন্ত্রহান সলকরিয়া কাকেইহান ত্বরা করল। কালাদৌ উগ নানান বিনান অংতাল ডর দেহুয়ানি অকরল। ডরপেইলেই দৌ এগর কাবুহান। গুণাধর অজাই কামহানশা নাকরিয়া এলা আহান নারগ জবরকো দিয়া দিয়া ত্বরা অয়া আটানি অকরল। কালাদৌ উগৌ গুণাধররে কাবু করানির হন্নাল চেপঠিং দিয়া লগ ধরেসে। মজারখানাহানর চৌহিদ্দাগ লময়া আহের মাহি কালাদৌ এগর হৈপত্হান জবর অ'যারগা। গুণাধর অজা আহানর পিসে আহান হিকেসে বিদ্যা উতা কামে লাগানি অকরল । কালাদৌ উগৌ তার পাংকালহান হাব্বি দিয়া থেঙইল। খানিপ্পারা গিয়াউ কালাদৌ এগই গুণাধর অজারে মুঙেদেত্ত বেরে বেলগা । মুঙহানাৎ কুমছালিগ পারা ছেয়াগ অলয়া পথগ বেরিয়া