এরে সাবধানবাণী এহানৌ হুনুয়েইলা— এরে গোপন কথা এহান মানুরাং ফুকারলে উবাকা ঔ ফামে তর মরণহান অইতই। এতা বুলিয়া তানু জুম মারলা। লেহাউয়ে তানুরে বিসর্জন দিয়া হিনেয়া পুরপারেয়া গরে আলথক অইলি। রাতি হবা অয়া বিয়াহান গেলগা। লগর কাম উতা হাবিয়ৌ সময়মতো অইল । লেহাউর হেয়কে তেইরে নিয়াম বানানুংশিল কলকরিয়া থইল। বিয়ার দ্বিবসর পিসেদে আকদিন হৌরিয়ক দৌ অইলি। মরাগ উঠানহানাত থসি উবাকা হাবিয়ে কাদতারা। কিন্তু কইনা উগই আহেইল উহান দেহিয়া দামান উগর সন্দেহ আহান জাগিল, কিন্তু কিত্তাউ নামাৎল। কতদিন পিসেদে গাঙর আরাক বুড়ি আগ দৌ অইলিতা। উবাকা হাবিরাত জিঙে তেই কাদল উহান দেহিয়া হেয়ক উগই আর জারে নুয়ারিয়া কারণহান আংকরল। তেই মাৎল— কারণহানতে মি মাতে নারতৌ। উবাকা তারতা নাগই খালপাল আহান হমেইল। দামান উগই মাৎল— আজি মাতানিয়েই লাগতই । নাইলে তোরে বেয়াপার গরে আকুবালা থিলকরে দেউরিগা। কথা এহান বারে বারে মাৎল উবাকা উপায় নাপেয়া লেহাউয়ে তারে দুরেইর জঙ্গল আগর বিতরে নিয়া গেলিগা। কলাপাতার লাতল আগর গজে বয়া য়ারিহান দেনার আগে মাৎল— তি মোরে বাধ্য করলে হানতে বাগাউরি। কিন্তু কথাহান লমনির লগে লগে মোর